Virtual Kart

Virtual kart nədir?

Virtual kart əslində görünməyən bir bank kartıdır. İstifadəçi bankın mobil tətbiqinə daxil olub virtual kart yaratdıqda, ona kart nömrəsi, son istifadə tarixi və CVC kodu kimi məlumatlar təqdim edilir. Bu məlumatlar vasitəsilə internetdə rahatlıqla alış-veriş etmək mümkündür. Virtual kartın üstünlükləri: Təhlükəsizlik təmin etməsi: Virtual kartın itirilmə və ya başqasının əlinə keçmə kimi bir qorxusu yoxdur. Rahat və sürətli əldə etmək imkanı: Fiziki kartdakı kimi gözləməyə ehtiyac olmadan bir neçə saniyə ərzində yaradılır və dərhal istifadəyə verilir. Asan idarəetmə: Virtual kart UBank vasitəsilə asan bir şəkildə idarə olunur.

Virtual kart necə yaradılır?

1. İstifadəçi bankın mobil tətbiqinə, UBank-adaxil olub "Məhsullar" bölməsini seçir. 2. "Yeni kart yarat" bölməsinə daxil olur. 3. Açılan menyudan "Kart sifarişi" -ni edir. 4. Kartlar bölməsindən “Digital card” seçimini edir. 5. "Pulsuz kart" seçimini edərək sifariş prosesinə başlayır. 6. Lazımi məlumatları daxil edir, kartın yaradılmasını təsdiqləyir və kart istifadəyə hazır olur.

Virtual kart harada istifadə edilə bilir?

Virtual kart əsasən internetdə alış-verişlərdə, yəni onlayn mağazalardan nəsə alınarkən onlayn ödəniş etmək üçün istifadə edilir. Çox əlverişli olan virtual kart təhlükəsizlik baxımından idealdır. Bu kartla ödənişlər edildiyi zaman bütün məlumatlar qorunur və yalnız onlayn ödəniş üçün istifadə olunur. Unibank-ın təklif etdiyi virtual kart olan Digital card onlayn alış-veriş və ödənişlər üçün müasir dövrün ən rahat və təhlükəsiz yoludur. Həm çox sürətli, həm də daim əlçatan olan bu bank məhsulu olduqca sərfəli seçimdir.