“Unibank”ın biznes sahibləri üçün 0 % komissiyalı kampaniyası davam edir. Kampaniya çərçivəsində sahibkarlar üçün əksər xidmətlər komissiyasız, biznes və əmək haqqı kartları isə pulsuz olub.

Unibank POS-terminal xidmətinə qoşulmaq istəyən sahibkarlar üçün bütün əməliyyatları komissiyasız edib. Dekabrın 31-dək davam edən kampaniya çərçivəsində onlayn UPOS xidmətinə qoşulan yeni müştərilər üçün qoşulma, xidmət haqqı və bütün əməliyyatlar 0 % komissiyalı olacaq.

Unibank Azərbaycanda aparıcı taksi sifarişi xidmətlərindən biri olan “Yango Azerbaijan”la strateji tərəfdaşlığa başlayıb. Məqsəd Bakının taksi parkında ekoloji cəhətdən daha təmiz olan hibrid avtomobillərin sayının artmasına maliyyə dəstəyi göstərməkdir. Bu əməkdaşlıq çərçivəsində “Yango Azerbaijan” şirkətinin Bakıdakı dörd partnyor taksi parkına 500 yeni hibrid avtomobil gətiriləcək. Sürücülər artıq ilin sonunadək bu avtomobillərlə taksi sifarişlərinə başlaya biləcəklər.