“Unibank” KB ASC enerji səmərəliliyinin artırılmasına yönəlmiş təşəbbüslərin dəstəklənməsi istiqamətində Enerji Məsələlərini Tənzimləmə Agentliyi (EMTA) ilə əməkdaşlıq müqaviləsi imzalayıb. Müqavilə çərçivəsində Unibank müvəkkil kredit təşkilatı qismində Enerji effektivliyi fondunun vəsaiti hesabına güzəştli kreditlərin təqdim edilməsini həyata keçirəcək.

Unibank biznes müştəriləri üçün yeni Visa Platinum Business kartını təqdim edir. Kart sahibkarlara gündəlik maliyyə əməliyyatlarını rahat idarə etməklə yanaşı, səyahət, sağlamlıq və biznes xidmətləri üzrə əlavə üstünlüklər təqdim edir. Kart vasitəsilə həm ölkədaxili, həm də xaricdə ödənişlər etmək, onlayn alış-veriş həyata keçirmək və biznes xərclərini daha rahat idarə etmək mümkündür. Bununla yanaşı, kart sahibləri bir sıra xüsusi xidmətlərdən də yararlana bilirlər.

“Unibank”ın kiçik sahibkarlığın inkişafına hədəflənən mikro kredit kampaniyası davam edir. Fevralın 28-dək qüvvədə olan kampaniya, sahibkarlara bizneslərinin ehtiyaclarına uyğun seçim imkanları yaradır.