UPOS

UPOS ilə sürətli və rahat mobil POS terminal xidməti!

İnnovativ texnologiyalar biznes dünyasını dəyişdirir və mobil ödənişlər artıq hər kəs üçün əlçatan olur. Unibank-ın təklif etdiyi UPOS xidməti pərakəndə satış məntəqələri, kiçik bizneslər və xidmət sektorunda çalışan sahibkarlar üçün nağdsız ödənişləri daha asan və çevik edən innovativ bir həll yoludur.
UPOS-un əsas üstünlüyü onun tam mobilliyidir, yəni əlavə cihaz almadan, sadəcə smartfonunuzla POS terminal funksiyasından istifadə edərək ödənişləri qəbul edə bilirsiniz. Ənənəvi POS terminallarından fərqli olaraq, UPOS simsiz qoşulma vasitəsilə istənilən yerdə fəaliyyət göstərməyə imkan yaradır. Bu, xüsusilə gündəlik müştəri axını olan, xidmət sahəsində çalışan və ya mobil satış həyata keçirən bizneslər üçün əvəzolunmazdır.

UPOS nədir və necə işləyir?

UPOS mobil POS terminalının bir növüdür, simsiz əlaqə (Wi-Fi, Bluetooth və GSM) vasitəsilə işləyərək smartfonunuza inteqrasiya olunur və ödənişləri sürətli şəkildə qəbul etməyə imkan yaradır. Bu sistem pərakəndə satış məntəqələrində, kafe və restoranlarda, kiçik bizneslərdə və hətta taksi xidmətlərində geniş istifadə olunur.
UPOS, həm müştərilərinizin rahatlığını təmin edir, həm də sizin üçün ödəniş prosesini sürətləndirir. Güvənli, sürətli və rahat hesab olunan UPOS ilə biznesinizi yeni səviyyəyə qaldıra bilərsiniz!

UPOS-un əsas üstünlükləri nələrdir?

Niyə UPOS-dan istifadə etməli olduğunuzu bilmək istəyirsiniz? Elə isə gəlin, tanış olaq:
UPOS ilə nağdsız ödənişləri istənilən yerdə və zamanda qəbul etmək mümkündür.
Əlavə POS terminalına ehtiyac qalmır, sadəcə telefonunuz kifayətdir.
Müştəriləriniz Visa və Mastercard ödəniş kartları ilə rahat şəkildə ödəniş edə bilir.
Ödəniş əməliyyatlarını təhlükəsiz və sürətli şəkildə həyata keçirilir.
Təbii ki, bu xidmətin üstünlükləri sadəcə bu sadalananlarla bitmir. UPOS ilə əlavə avadanlığa ehtiyac duymadan, sadəcə telefonunuzla POS terminal funksiyasından istifadə etməyiniz də mümkündür. Unibank UPOS ilə smartfonunuzu əlavə cihaz olmadan POS-terminala çevirin! Qoşulma haqqı 0 AZN, aylıq xidmət haqqı isə cəmi 8 AZN-dir, üstəlik aylıq dövriyyəniz 1000 AZN-i keçdikdə xidmət tamamilə pulsuz olur. Cəmi 20 AZN azalmayan qalıq saxlamaqla UBank Biznes tətbiqi üzərindən dərhal qoşulub, təhlükəsiz ödənişləri istənilən yerdə qəbul edə bilərsiniz. Əlavə texniki biliyə ehtiyac olmadan, prosesi sürətli və effektiv şəkildə idarə edə bilərsiniz. Həmçinin UPOS kart məlumatlarını qoruyur və bütün əməliyyatların təhlükəsiz şəkildə həyata keçirilməsini təmin edir. Bütün bu üstünlükləri nəzərə alaraq Unibank-ın bu təklifini dəyərləndirə bilərsiniz.
UPOS sadəcə ödəniş qəbul etmək üçün deyil, həm də biznesinizi daha yaxşı idarə edə biləcəyiniz mükəmməl bir vasitədir. Müştəri sifarişlərini izləyə, satış hesabatlarını hazırlaya və maliyyə idarəçiliyinizi daha səmərəli təşkil edə bilərsiniz. Beləliklə, işinizdə daha yüksək nəzarət və rahatlıq əldə edirsiniz.

UPOS-a necə qoşulmaq olar?

UPOS xidmətindən istifadə etmək asan və rahatdır. Qoşulmaq üçün aşağıdakı addımları yerinə yetirmək kifayətdir:
UBank Biznes tətbiqində ümumi məlumatları tamamlayıb ödənişləri qəbul edəcəyiniz hesabı seçin;
VÖEN-nə uyğun fəaliyyət kodunu seçin, ehtiyac yaranarsa əlavə fəaliyyət kodunu daxil edib “Davam et” düyməsini klikləyin;
Sonrakı ekranda əgər obyekt kodu varsa, daxil et və ya bu kodu almaq üçün Asan İmza ilə Vergi xidmətinə müraciət edin Mövcud obyektə aid görüntülər varsa, onları da sorğu ərizəsinə əlavə edə bilərsiniz;
Müqaviləni imzaladıqdan sonra sorğunu tamamlayın;
Sorğu bank tərəfindən təsdiq olunduqdan sonra ödənişləri qəbul edəcəyiniz cihazın mobil nömrəsini daxil edib yeni istifadəçi profili yaradın.
UPOS ilə biznesinizi böyüdün, ödənişlərinizi daha sürətli və təhlükəsiz edin!