Biznes böyüyür və genişlənir, əməkdaşların sayı sürətlə artır, əməkhaqqının verilməsi isə get-gedə daha çox vaxt və resurs tələb edir. Biz Sizə bu qayğıları bizə həvalə etməyinizi təklif edirik. Ödəniş sisteminin bank kartlarının köməyi ilə əməkdaşlara əməkhaqqının avtomatlaşdırılmış qaydada paylanmasını təmin edirik.
İş yerinizdən ayrılmadan əməkhaqqı layihəsinə qoşulun! Asan İmza ilə İnternet Banking sisteminə daxil olaraq, əməkhaqqı layihəsinə qoşulun və əməkdaşların məlumatlarını daxil etməklə, əməkhaqqı kartlarını sifariş edin. Kartlar hazır olduqdan sonra, bank tərəfindən şirkətinizə çatdırılır. Onlayn əməkhaqqı layihəsi ilə bağlı daha geniş məlumatı buradan öyrənə bilərsiniz.
Üstünlüklər:
— Təşkilatın nağd pul vəsaitinin alınması, çatdırılması, saxlanması və paylanması üzrə məsrəflərdən azad olmaq.
— Böyük məbləğdə nağd pul vəsaitinin daşınmasını, pul vəsaitinin oğurlanması ehtimalı ilə bağlı olan riskləri aradan qaldırmaqla, əməkhaqqının ödənilməsi prosesinin təhlükəsizliyini təmin etmək imkanı.
— Əməkhaqqının bank kartlarına köçürülməsi əməkdaşlarınızın əməkhaqqlarının məbləğinin tam məxfiliyini təmin edir. Həyata keçirilən ödənişlər haqqında informasiyaya ancaq məsul şəxslər malik olurlar.
— Overdraft kreditləşdirilməsi (əməkdaşlarınıza əmək haqqından asılı olan limit çərçivəsində, kredit təqdim edə bilərik).
— Sizin əməkdaşların rahatlığı üçün müəssisənizin ərazisində bizim bankın bankomatının quraşdırılması məsələsini nəzərdən keçirə bilərik.
— Mühasibat/kassa prosedurlarının sadələşdirilməsi.
— Əməkhaqqı kartının sahibləri “Unibank”-dan sadələşdirilmiş prosedur və güzəştli şərtlərlə istehlak kreditləri ala bilərlər.
Xüsusiyyətlər:
— Kartda saxlanılan vəsaitə illik depozit faizinin hesablanması.
— Kartla edilən ödəniş məbləğinin 30%-dək hissəsi keşbek xidməti vasitəsi ilə əməkdaşlarınızın hesablarına geri qaytarılması.
— Əməkhaqqı kartlarını “Unibank”ın mükəmməl Mobil bankinq xidmətinə qoşmaqla, kart sahiblərinin günün istənilən vaxtında kart hesabına nəzarət etməsi, ödənişləri həyata keçirməsi.
