“Unibank” Kommersiya bankı olaraq istər Azərbaycan manatı ilə, istərsə də xarici valyutada hesablaşma-kassa xidmətlərinin tam kompleksini təqdim edirik. Həmçinin Mobil Bankinq və ya İnternet Bankinq vasitəsilə hesablarınızı banka gəlmədən idarə etmək imkanı yaradırıq. Bununla da siz həm vaxtınıza qənaət edər, həm də bu xidmətlərdən istənilən yerdən və günün istənilən saatı faydalana bilərsiniz.
“Unibank”dakı hesablaşma-kassa xidməti Sizin müəssisəsinizin səmərəli fəaliyyətinin təmin olunmasına, təchizatçı və alıcılarla vaxtı-vaxtında hesablaşma aparılmasına, nağdsız pul vəsaitlərinin operativ idarə olunması və nağd pul vəsaitlərinin təhlükəsiz idarə edilməsinə yardım edəcək. Beynəlxalq səhmdarların dəstəyi, habelə Bankımızda fəaliyyət göstərən elektron ödəniş sistemləri vasitəsilə müştərilərimizə istənilən növ hesabları üzrə həm ölkə ərazisində, həm də Azərbaycandan kənarda bütün növ əməliyyatlarının operativ və keyfiyyətli yerinə yetirilməsinə zəmanət verir.
Bizim bankda siz aşağıdakı hesablaşma kassa
xidmətlərindən istifadə edə bilərsiniz:
— Əməliyyatlar üzrə və hesabın vəziyyəti haqqında arayışların və çıxarışların, ödəniş sənədlərinin elektron və kağız daşıyıcısında surətlərinin alınması.
—Hesaba nağd pul vəsaitinin istənilən vaxt daxil edilməsi.
— Kredit ödənişləri üçün sıraya durmadan “Unibank” Ödəmə terminalları vasitəsilə istənilən vaxt ödəmələrin həyata keçirilməsi.
— Kassa-hesabat əməliyyatlarının aparılması qaydası haqqında məsləhət.
— Müştərinin hesablarına köçürülmüş pul vəsaitləri haqqında sorğunun həyata keçirilməsi və ötən dövr ərzində hesabın tarixçəsi haqqında məlumatla təmin edilməsi.
Hesablaşma hesabı şirkətlərin və sahibkarların maliyyə əməliyyatlarını aparmaq üçün bankda açdıqları rəsmi hesaba deyilir. Bu hesab vasitəsilə ödənişlər qəbul olunur, tərəfdaşlarla hesablaşmalar aparılır, maaş və digər ödənişlər köçürülür.
Kassa əməliyyatları dedikdə nağd pulun qəbulu, ödənişi, valyuta çevrilməsi və inkassasiya xidmətləri nəzərdə tutulur. Bu əməliyyatlar şirkətlərin gündəlik maliyyə dövriyyəsində mühüm yer tutur.
Bütün kassa əməliyyatlarının aparılması qaydaları Mərkəzi Bankın müəyyən etdiyi normalara əsaslanır. Ödəniş edilərkən sənədləşmə aparılır, əməliyyat təsdiqlənir və kassa kitabında qeyd olunur.
Kassa əməliyyatlarının uçotu xüsusi kassa kitabında aparılır. Bu uçot sayəsində şirkətin gəlir və xərcləri şəffaf izlənir, maliyyə hesabatlarının düzgün hazırlanması təmin olunur.
Nağdsız biznes həm təhlükəsizlik, həm də rahatlıq baxımından üstünlük təşkil edir. Kart ödənişləri, onlayn əməliyyatlar və bank köçürmələri riskləri azaldır, şəffaflığı artırır və biznesin maliyyə çevikliyini təmin edir.
Bank hesabı açılarkən və ya əməliyyat aparılarkən möhür nümunələri təqdim edilir. Bu nümunələr əməliyyatların qanuniliyini təsdiq edir və şirkətin rəsmi imzası rolunu oynayır.
