Müştəri ol

Xəbərlər və aksiyalar

Unicapital səhmdarlarına 800 min manat dividend ödəyib
06.10.2022

“Unicapital İnvestisiya Şirkəti” ASC səhmdarlarına 800.000 AZN məbləğində dividend ödəyib. Dividend ödənişi barədə qərar “Unicapital İnvestisiya Şirkəti” ASC-nin səhmdarlarının 30 sentyabr 2022-ci il tarixində keçirilmiş ümumi yığıncağında  qəbul edilib.

Şirkətin Bakı Fond Birjasında ticarət olunan səhmlərin sayı 100 000 ədəddir. Nominal dəyəri 3 AZN olan hər bir səhminə ödənilmiş dividend məbləği 8 AZN təşkil edib.

“Unicapital İnvestisiya Şirkəti” son illər ərzində investisiya bazarında tətbiq etdiyi strategiyasını  yeniləyib və şirkətin 2021-ci ildə təyin etdiyi yeni strategiyası  qısa zamanda öz nəticəsini verib. “Unicapital”ın uğurlu fəaliyyəti nüfuzlu dünya nəşrlərinin də diqqətini çəkməyi bacarıb. Böyük Britaniyanın “International Finance” jurnalının araşdırmasına əsasən, “Unicapital” “Azərbaycanda Ən İnnovativ Maliyyə Təşkilatı - 2021” və “Azərbaycanın Ən Yaxşı Foreks Provayderi - 2021” mükafatlarına layiq görülüb.

“Unicapital” 2007-ci ildən qiymətli kağızlar bazarında böyük təcrübəsinə sahib olan və Azərbaycan qiymətli kağızlar bazarında aparılan əməliyyatların həcminə görə ilk sıralarda yer tutan şirkətlərdən biridir. Nizamnamə kapitalı 100% "Unibank" Kommersiya Bankı ASC-yə məxsus olan Şirkət, ötən il 1.040.271 AZN xalis mənfəət əldə edib.

“Unicapital İnvestisiya Şirkəti” olaraq əsas məqsədimiz xidmət göstərdiyimiz bazarlara dəstək üçün ən yenilikçi və peşəkar maliyyə həlləri göstərərək, müştəri məmnuniyyəti və mükəmməl reputasiyamızı qorumaqdır.

Xidmətlərə gəldikdə isə şirkət müştəriləri üçün qlobal və yerli maliyyə bazarlarına açılan körpü rolunu oynayır. “Unicapital İnvestisiya Şirkəti” istər Azərbaycan bazarına daxil olmaq istəyən xarici investorlar, istərsə də yerli hüquqi və fiziki müştərilər üçün etibarlı tərəfdaşdır. İnvestisiya şirkəti qiymətli kağızlar bazarında həm əsas, həm də yardımçı investisiya xidmətləri göstərir. Həmçinin, şirkət yeni başlayan investorlar üçün ödənişsiz təlimlər və konsultasiyalar təşkil edir. Xidmətlərimiz ilə bağlı daha ətraflı məlumat əldə etmək üçün saytımıza keçid edə bilərsiniz:  https://unicapital.az/

“Unicapital İnvestisiya Şirkəti” hal-hazırda Bakı Fond Birjasında ən uzunmüddətli üzvlüyə sahibdir və Birjanın standart listinqinə daxildir. Bu isə şəffaflığının və listinq qaydalarına uyğunluğunun birbaşa göstəricisidir.

Axtarış

Məhsullar
Xəbərlər
Digər