Ali məktəblərin 2-3 və 4cü kurs tələbələri üçün yaradılan Yay təcrübə proqramları gənclərimizə bankçılıq barəsində ümumi məlumat verəcək. Gənclərimiz o cümlədən, maliyyə, risklərin idarə edilməsi, marketing, analitika və İT, rəqəmsal bankçılıq və s. bu kimi maraqli istiqamətlər üzrə təcrübənin qazanması, fərdi biliklərin inkişafı, qeyd olunan sahələr üzrə özlərini sınaya biləcəklər. Təcrübə proqramları hər il May ayının son iki həftəsi ərzində elan olunur, və iyun ayından start verir. Təcrübə proqramı avqust ayının son həftəsinə kimi davam edir. Yay təcrübə proqramlarımız ödənişli şəkildə aparılır ki, seçilmiş namizədlər Bank tərəfindən aylıq minimal əmək haqqı alırlar. Təcrübə proqramı seçilmiş istiqamət üzrə 9dan axşam saat 18:00a kimi davam edir. Təcrübə proqramı zamanı, gənclərimiz ölkənin ən aparıcı banklarından birində təcrübə qazanmaqdan savayı, özlərinə gələcəkdə dost olacaq bir komanda ilə tanışlıq əldə etmiş olurlar. Təcrübə müddəti ərzində özünü kifayət gədər aktiv, bacarıqlı göstərən təcrübəçilərimiz isə seçilmişlər siyahısına əlavə olunaraq, gələcəkdə (Ali məktəbi bitrdikdən sonra) Bank tərəfindən birbaşa işlə təmin olma şansını qazanırlar.