Kart Sifarişi

Kart sifarişi vermək üçün bankımızın rəsmi veb-saytına daxil olaraq təklif etdiyimiz debet və kredit kartları ilə tanış ola bilərsən. Hər bir kartın qiymətinə, xüsusiyyətlərinə nəzər salmaqla seçimini dəqiqləşdirib Unibank-a müraciət etməklə bu kartları əldə etmək mümkündür. Təklif etdiyimiz kartlardan biri olan UCard onlayn yolla sifariş oluna bilir. Digər kartları əldə etmək üçün isə bank filiallarımızdan birinə yaxınlaşmağın lazımdır.

Kart sifarişi nədir?

Kart sifarişi etməzdən əvvəl bankın təklif etdiyi məhsullara nəzər salmaq və seçimi dəqiqləşdirmək lazımdır. Unibank-ın təklif etdiyi kartlar debet və kredit kartı olmaq üzrə 2 yerə ayrılır. Debet kartı, gündəlik maliyyə əməliyyatlarını rahatlıqla həyata keçirmək üçün istifadə edilən bank məhsuludur. Bu kart vasitəsilə bankomatlardan nağd pul çıxarmaq, pul yatırmaq və onlayn olaraq alış-veriş etmək mümkündür. Debet kartları kredit kartlarından fərqli olaraq, bankdan borc almaq prinsipinə əsaslanmır. Yəni, debet kartı ilə yalnız kartına yüklədiyin pul məbləği qədər xərcləmə edə bilərsən. Kredit kartı isə bankın kart sahibinə müəyyən bir kredit limiti təyin edərək verdiyi bank məhsuludur. Debet kartından fərqli olaraq kredit kartında müəyyən bir məbləğ olur və ay ərzində xərclənən vəsait göstərilən müddətə kimi bank kartına geri qaytarılır. UCard kart sifarişi onlayn şəkildə verilə bilir.

Kart sifarişi necə verilir?

Kart sifarişi vermək olduqca asan prosesdir. Unibank-dan iki yolla kart almaq mümkündür: həm bank filialına yaxınlaşmaqla, həm də onlayn kart sifarişi verməklə. Bankımız tərəfindən təklif olunan müxtəlif debet və kredit kartları vardır ki, onları bank filiallarımıza yaxınlaşmaqla əldə etmək mümkündür. UCard və Digital card isə onlayn yolla əldə oluna bilər. UCard həm debet, həm də kredit kartı kimi istifadə olunur. Bu kartın digər bir üstünlüyü hər 4 valyutada istifadənin mümkünlüyüdür. Digital card isə yalnız UBank tətbiqi vasitəsilə əldə edilir və fiziki daşıyıcısı olmayan kartdır. Ümumiyyətlə , Unibank-ın təqdim etdiyi bütün kartlar sərfəli təklifləri ilə seçilir.