Unibank öz fəaliyyətində ekoloji, müştəri, cəmiyyət və işəgötürən kimi aşağıdakı prinsiplərə riayət edir:
• Ölkənin iqlim hədəflərinə və milli strateji prioritetlərinə töhfə vermək üçün məsuliyyətli bankçılıq təcrübələrini tətbiq edir;
• Fəaliyyətlərindən birbaşa və ya dolayısı ilə yaranan ekoloji və sosial təsirləri izləyir və idarə edir;
• İqlim dəyişikliyi daxil olmaqla ekoloji, sosial və idarəetmə (ESG) faktorları üzrə qısamüddətli, ortamüddətli və uzunmüddətli hədəflər müəyyən edir;
• Sosial ədalət prinsiplərinə əsaslanan iş mühiti yaratmağı və insan hüquqlarını qorumağı qarşısına məqsəd qoyur;
• Din, cins, irq, fiziki və ya əqli məhdudiyyətlər, yaş və fikir müxtəlifliyi əsasında ayrı-seçkiliyi qəbul etmir və bunun aradan qaldırılmasını hədəfləyir;
• Qanunvericilik çərçivəsində işçi təhlükəsizliyi və əməyin mühafizəsi üzrə qabaqlayıcı tədbirləri inkişaf etdirir;
• Bank tərəfindən yaradılan dəyərin səhmdarlar, müştərilər, işçilər və digər maraqlı tərəflər arasında ədalətli şəkildə bölüşdürülməsinə riayət edir;
• Bank dəyərləri və strateji hədəfləri çərçivəsində komanda əməkdaşlığını yüksək qiymətləndirir;
• İşçilərin bərabər imkanlar əsasında inkişafına və təliminə dəstək verir;
• Müştəri mərkəzli yanaşma tətbiq edir, məsuliyyətli bankçılıq prinsiplərinə uyğun olaraq şəffaf və aydın məlumat təqdim edir;
• Rüşvətxorluq, korrupsiya və digər qanunsuz fəaliyyətlərə qarşı sıfır tolerantlıq siyasəti yürüdür və müvafiq intizam tədbirləri görür;
• İşçilərin dayanıqlılıq üzrə bilik və bacarıqlarını artırmaq üçün təlimlər təşkil edir;
• Təchizatçı seçimini ədalətli və şəffaf şəkildə aparır;
• Enerjiyə qənaət, su resurslarının səmərəli istifadəsi, ənənəvi yanacaq növlərinin azaldılması və kağız istifadəsinin minimuma endirilməsi ilə ekoloji təsirini azaltmağı hədəfləyir;
• Dayanıqlılıq təcrübələrinin davamlı inkişafını təmin edir və bu sahədə fəaliyyətlərini mütəmadi olaraq maraqlı tərəflərlə bölüşür;
• Yerli, regional və beynəlxalq dayanıqlılıq təşəbbüslərində fəal iştirak edir.