Kredit Komitəsinin vəzifələrinə aşağıdakılar daxildir:
•Təsdiq edilmiş səlahiyyət limitləri çərçivəsində kreditlərin verilməsi və restrukturizasiyası barədə qərarların təsdiq edilməsi;
•Kreditlərin təhlili prinsiplərinin təyin edilməsi;
•Ehtimal va yaxud mümkün olunan risklərin təyin edilməsi;
•Müvafiq idarəetmə orqanlarına va Risklərin idarə edilməsi Komitəsinə öz fəaliyyəti ilə bağlı zəruri məlumatların təqdim edilməsi;
•Müşahidə Şurasının tələbi üzrə hesabatların təqdim edilməsi.
Kiçik kredit Komitəsinin vəzifələrinə aşağıdakılar daxildir:
•Təsdiq edilmiş səlahiyyət limitləri çərçivəsində kreditlərin verilməsi və restrukturizasiyası barədə qərarların təsdiq edilməsi;
•Kreditlərin təhlili prinsiplərinin təyin edilməsi;
•Ehtimal va yaxud mümkün olunan risklərin təyin edilməsi;
•Müvafiq idarəetmə orqanlarına va Risklərin idarə edilməsi Komitəsinə öz fəaliyyəti ilə bağlı zəruri məlumatların təqdim edilməsi;
•Müşahidə Şurasının tələbi üzrə hesabatların təqdim edilməsi.
Risklərin idarə edilməsi Komitəsinin vəzifələrinə aşağıdakılar daxildir:
•Risklərin idarə edilməsi prosesində müəyyən risklərə yol verilməməsi, riskləri minimuma endirmək, müəyyən riskləri qəbul etmək, riskləri ötürmək, riskləri lazımi qaydada yeniləmək, tətbiqi tələb edilən hallarda, tövsiyələrin təqdim edilməsi və/və ya qərarların təklif edilməsi;
•Bankın strukturuna və iş proseslərinə risklərin monitorinqinin və aradan qaldırılmasının səmərəli alətlərinin daxil edilməsi;
•Risklərin idarə edilməsinin səmərəli proqramının risklərin profili çərçivəsində Bankın əsaslı strateji məqamlarına və qərarlarına müvafiq olaraq, ətraflı hesabatların tərtib edilməsi, işlənib hazırlanması və həyata keçirilməsinə nəzarət edilməsi;
•Daxili komitələrin məlumat axınları mübadiləsinin düzgün təşkil edilməsi;
•Digər daxili komitələrdən (Kredit komitəsi, İnformasiya texnologiyaları komitəsi və s.) və Bankın Risklərin idarə edilməsi Departamentindən (bundan sonra “Departament” adlandırılacaq) alınan informasiya əsasında, Müşahidə Şurası və İdarə Heyəti üçün tövsiyələrin işlənib hazırlanması;
•Departamentə risklərin idarə edilməsi istiqamətinə yönəlmiş göstərişlərin verilməsi, aylıq əsasda, ondan görülmüş işlər və aşkarlanmış risk profilləri haqqında hesabatların alınması, Komitənin iclaslarında baxılması, tələb edilən məsələlər ilə əlaqədar təkliflərin alınması, cari fəaliyyətinə nəzarət edilməsi;
•Risklərin idarə edilməsi strategiyası, siyasəti və qaydalarına, həmçinin onlara edilmiş dəyişiklik və əlavələrə baxılması, təsdiq olunmaq üçün Müşahidə Şurasına təqdim olunması;
•Departamentin işinin qiymətləndirilməsi, qiymətləndirmənin nəticələri və Bankda risklərin idarə edilməsi üzrə işin vəziyyəti haqqında Müşahidə Şurasına və İdarə Heyətinə vaxtında, dəqiq və səhih məlumatların verilməsi, hesabatların təqdim edilməsi;
•Risklərin idarə edilməsi üzrə işin səmərəliliyinin yüksəldilməsi məqsədi ilə Müşahidə Şurasının, İdarə Heyətinin və Departamentin üzvləri arasında açıq əlaqə kanalının mövcud olmasına yardım edilməsi;
•Bankın İdarə Heyəti ilə birgə fövqəladə hallar planına baxılması və Müşahidə Şurasına təqdim edilməsi;
•Risk limitlərinə baxılması və təsdiq olunmaq üçün Müşahidə Şurasına təqdim edilməsi;
•Bankın məruz qaldığı risklərin vəziyyəti və risklərin idarə edilməsi sisteminin effektivliyi barədə hesabatın hazırlanması və Müşahidə Şurasına təqdim edilməsi;
•Götürülən risklərin Bankın risklərin idarə edilməsi strategiyasına uyğunluğunun monitorinqinin aparılması;
•Risklərin idarə edilməsi sisteminin təkmilləşdirilməsi ilə bağlı Müşahidə Şurasına təkliflərin hazırlanması.
Mükafatlandırma üzrə Komitənin vəzifələrinə aşağıdakılar daxildir:
•Mükafatlandırma siyasətini müəyyənləşdirmək və təsdiq üçün Bankın Müşahidə Şurasına təqdim etmək:
•Mükafatlandırma siyasətinin tətbiqi ilə bağlı Bankda daxili prosedurlar hazırlamaq və bu prosedurların Bankda risklərin idarə edilməsi qaydalarına uyğunluğunu təmin etmək;
•Mükafatlandırma prosesinə nəzarət etmək, o cümlədən ildə ən azı bir dəfə Risklərin idarə edilməsi komitəsi ilə birlikdə mükafatlandırma sisteminin səmərəliliyini qiymətləndirmək;
•Mükafatlandırmanın həcmi (mükafat fondu) barədə Bankın Müşahidə Şurasına təkliflər vermək;
•Bankın səhmdarlarının ümumi yığıncağının və ya Müşahidə Şurasının qərarları ilə ona həvalə edilmiş digər səlahiyyətləri həyata keçirmək.
İnformasiya texnologiyaları üzrə Komitənin vəzifələrinə aşağıdakılar daxildir:
•Bankın idarəetmə, informasiya və digər avtomatlaşdırılmış sistemlərin mükəmməl və fasiləsiz işini və monitorinqini təmin etmək;
•İnformasiya texnologiyaları və informasiya təhlükəsizliyi sahəsində prosedur və qayda layihələrinin hazırlanmasına dair tövsiyələrin verilməsi və rəhbərliyə təqdim edilməsi;
•İnformasiya texnologiyaları və informasiya təhlükəsizliyi sahəsində Bankın strateji layihələrinin müəyyən edilməsi və həyata keçirilməsinə nəzarət;
•İnformasiya texnologiyaları və informasiya təhlükəsizliyi sahəsində korporativ standartların müəyyən edilməsi;
•İnformasiya təhlükəsizliyi idarəetmə sisteminin ( “İTİS”) tətbiqini təmin etmək;
•İnformasiya təhlükəsizliyinin idarə olunması üçün İdarə Heyətinə tövsiyələr vermək;
•Vaxt, miqyas, büdcə göstəricilərində İTİS icra planının təsdiqlənməsi və bütün zəruri resursların icra planının dəstəklənməsinin təmin edilməsi;
•İnformasiya təhlükəsizliyi üzrə icra göstəriciləri, təhlükəsizlik insidentləri və investisiya tələblərinə aid informasiya təhlükəsizliyi idarəetmə hesabatlarının mütəmadi nəzərdən keçirilməsi;
•Kritik informasiya təhlükəsizliyi insidentlərinin təhlili;
•İnformasiya təhlükəsizliyi üzrə siyasətə və strategiyaya riayət edilməsinin monitorinqi;
•İTİS-nin fəaliyyətinin, nailiyyətlərinin və Bankda üzləşdiyi çətinliklərin mütəmadi olaraq qiymətləndirilməsi;
•İnformasiya təhlükəsizliyi üzrə müvafiq struktur bölmələrin fəaliyyət prioritetlərinin müəyyən edilməsi və inkişaf etdirilməsi;
•Əsas risk göstəricisi (KRİ) hesabatının, informasiya təhlükəsizliyi insidentləri haqqında hesabatın, düzəliş və önləyici tədbirlər haqqında hesabatın (əgər varsa), İnformasiya Təhlükəsizliyi üzrə təlimatın nəzərdən keçirilməsi, daxili və xarici audit hesabatlarında qeyd olunmuş çatışmazlıqların aradan qaldırılması statusunun nəzərdən keçirilməsi.
Cari əməliyyatlar üzrə Komitənin vəzifələrinə aşağıdakılar daxildir:
•Bankın Missiyası, Strateji inkişaf planı, illik əməliyyat planı və illik əməliyyat büdcəsi əsasında bu sənədlərin dəyişdirilməsinə və ya onlara əlavələr edilməsinə dair, həmçinin tarif dərəcələrinə dair təklifləri İdarə Heyətinə təqdim etmək;
•Bankın kapitalının artırılmasının zəruriliyi və mənfəətdən istifadə edilməsi barədə tövsiyələri İdarə Heyətinə təqdim etmək;
•Bankın filiallarının, struktur bölmələrinin, nümayəndəliklərinin yaradılması və ləğv edilməsi, həmçinin törəmə müəssisələrin yaradılması, Bankın digər hüquqi şəxslərin kapitalında başqa investisiya layihələrində iştirak etməsi barədə təklifləri İdarə Heyətinə təqdim etmək;
•Yeni Bank xidmətləri və məhsulları barədə layihələrin hazırlanması, tətbiqinə dair və bu istiqamətdə prosedur, qayda və təlimatların işlənib hazırlanması barədə təkliflər və tövsiyələr vermək;
•Bankda həvəsləndirmə sisteminin yaradılması ilə bağlı Mükafatlandırma Komitəsinə təklif və tövsiyələrini vermək;
•Satınalma ilə bağlı məsələləri müzakirə etmək və təkliflər hazırlamaq;
•Bankın idarəetmə orqanlarının müstəsna səlahiyyətinə aid olan məsələlər istisna olmaqla, Bankın cari fəaliyyətinə aid olan bütün digər məsələlərlə bağlı İdarə Heyətinə tövsiyə və təklif vermək.
Aktiv və passivlərin idarə edilməsi Komitəsinin vəzifələrinə aşağıdakılar daxildir:
•Bankın vəsait yerləşdirilməsinə aid siyasət və məqsədlərini müəyyən etmək;
•İnvestisiyanın qiymətləndirilməsinə aid yanaşmaları və limitləri təyin etmək;
•Qiymətli kağızların/metalların portfelinin idarə olunmasını həyata keçirmək;
•Xəzinədarlıq Departamentinin limitlərindən artıq olan məbləğdə investisiyalara baxmaq;
•İnvestisiya portfelinin keyfiyyət və gəlirliyinin nəzarətdə saxlanılması üçün iclas keçirmək.